رواية بقلم فاطمه عيد
واحده زى ديالا فى
طريقه عشان تفوقه من اللى كان فيه .. بتلقائيه يحط ايده على بطنها .. ديالا تحس بايده بتمشى على بطنها تبصله وتبتسم من بين دموعها
يونس فاضله قد ايه
ديالا سبع شهور
يونس ينزل على ركبته ويقعد قدام بطنها ويبوسها
يونس انا اسف عشان كنت هتخلى عنه
ديالا تحط ايدها على ايده اللى على بطنها .. يونس يشيل ايده ويمسك ايدها ويبوسها .. ديالا تبصله
يونس يبتسم ويقوم يشيلها
ديالا باستغراب ايه دا !
يونس يبصلها هساعدك تنسى
ديالا تضحك برقه
ديالا انا متخرشمه مش هقدر
يونس كمان يضحك ماانا هعالجك
ديالا ازاى بقى !
يونس هتشوفى
ياخدها ويدخل بيها الاوضه وهى تضحك فى ايده وهو كمان .. يقفل الباب عليهم .. ويعيشوا اجمل لحظات مع بعض .. لحظات كانوا بيخطفوها زمان .. يونس بيثبتلها بكل الطرق انه بيعشقها وديالا قررت تفتح صفحه جديده مع حبيبها وتنسى كل اللى فات وتساعده يتجاوز الازمات اللى اتعرضلها .. تعدى الايام على ابطالنا ومحمد يتحسن ويخرج من المستشفى .. يونس علاقته اتحسنت بمحمد شويه بعد ما صلح بينه وبين ديالا .. اما مروان ففاتح باباه فموضوع خطوبته من سيلينا اللى وافق فورا بطريقه استغربها الكل اما يونس اتأكد ان باباه فعلا اتغير وبيحاول يصلح اى حاجه من اللى عملها زمان .. وفعلا تمت الخطوبه .. كريم تابع مع نورين العلاج لحد ما حل عقدتها النفسيه تماما وخلاها تواجه اللى حصلها وتتعايش معاه لكن للاسف عقده لسانها لسه متحلتش ودى مش بايده بيدعوا ربنا انها تقدر تتكلم خصوصا بعد علاجها النفسى اللى غير كتير من شخصيتها .. اما مراد فقرب من نورين جدا واتعلم لغه الاشاره من كريم وبقى يفهمها بجد ويكلمها بلغتها .. وعاشت معاهم بعد ما هدى ورأفت رجعوا مصر تانى بسبب انهم معرفوش يتأقلموا فى ايطاليا ومحمد ومنى حلوا الخلاف اللى بينهم هما وديالا قبل ما يسافروا .. نورين عاشت فى بيت محمد ومرجعتش مصر عشان كليتها اللى خلصت فيها اول سنه وجابت تقدير .. واهلها وافقوا بوجودها فى بيت محمد لان ديالا ويونس انتقلوا للعيش مع اهلهم من جديد واتعملهم جناح خاص زى امير ودنيا وبقى ليهم الدور الرابع خاص بيهم لوحدهم وللاسف ديالا اجلت السنه دى فى الدراسه بسبب ظروف حملها الصعبه .. منى كانت فرحانه جدا بقرار رجوع يونس ورغم انها مرات ابوهم الى انها بتعاملهم بحب كأنهم حته منها .. جايز لانهم كانت هديه من ربنا بعد اكتشفها انها مبتخلفش واخيرا رجع السلام والهدوء للعيله من جديد والفرحه اللى كلهم بيستعدولها وهى استقبال تانى حفيد للعيله .. صوفى ارتبطت بعد فتره كبيره بالبعد من امير وفهمت يعنى ايه حب حقيقى واتأكدت ان حبها لامير كان مجرد احتياج مش اكتر .. بعدت عنه تماما ومحت كل حاجه ممكن تفكرها بيه .. بعد مرور تمن شهور .. يونس بيجرى بديالا فى المستشفى وكل العيله بيجروا وراه .. وديالا عماله تصرخ جامد
يونس
خاېف جدا عليها وحالتها كانت صعبه اوى خصوصا انها بتولد بعد الشهر التاسع .. الممرضين اول ما يشوفها يجروا بسرعه ويجيبوا سرير. ويحطوها عليه وياخدوها على العمليات فورا وهى كل دا بټشتم فى يونس وفى عيالها من كتر الۏجع اللى حساه .. العيله واقفه بره بتوتر .. يعدى ربع ساعه وتخرج الممرضه بعيل فى ايدها .. يونس يجرى عليها. بيشوفه
الممرضه حمدلله على السلامه يافندم
يونس بلهفه ديالا عامله ايه
الممرضه المدام بخير .. بعد اذنك هودى البيبى الحضانه
مراد هو بنت ولا ولد
الممرضه ولد
تاخد الولد وتروح الحضانه وكلهم يباركوله.. شويه ويلاقوا الممرضه التانيه خارجه وفى ايدها بيبى تانى .. يبصولها باستغراب ومروان يضحك
الممرضه هى مدام واحده ومبروك جابت تؤام
مراد ولد برضو
الممرضه ايوه .. بعد اذنكو
تاخده وتمشى
مروان بغرور مبروك يا يونس جبت مروان ومراد
مراد يبتسم ادينى مراد وخليلك مروان
كريم بس انت وهو مش وقته خفه
مروان يبصله انت مالك يا عانس خليك فى حالك انت
الممرضه مبروك يا فندم المدام بقت بخير وخلال ساعه هتكون اتنقلت اوضه عاديه
يونس بعدم استيعاب لحظه بس .. هى المدام لوحدها بتولد جوه
الممرضه ايوه يافندم مبروك
الممرضه تبتسم ايوه .. بعد اذنك
تمشى ويونس لسه مازال مزهول
مراد بضحك ارنبه .. عليا الطلاق ارنبه بتولد جوه
مروان اخوك طلع يجى منه يلا .. انا كنت فاكرها
حملت بالحظ كده
منى مروان مراد عيب الكلام دا .. تقرب على يونس .. مبروك يا حبيبى
وليد عيب ايه يا طنط .. جابت اربعه مره واحده ! .. ايه يا صاحبى داانت طلعت اكتشاف يا جدع
دنيا بضحك يا بختها والله جابت كله مره واحده
امير يضحك ويحط ايده على بطن دنيا
امير ما تعملى سونار كده يمكن نلاقيهم اربعه هما كمان
دنيا سونار ايه يا حبيبى انا لسه فى الشهر الاول .. مش دلوقتى خالص
كلهم يقعدوا يتكلموا ويونس فى وادى تانى خالص .. مصډوم بفرحه .. يعدى الوقت وديالا تخرج لاوضه عاديه والممرضين يجيبوا الاربع ولاد فى سرير جنبها وكل العيله حواليها .. يونس يقعد جنب ديالا ويبوس ايدها
يونس حاسه بتحسن
ديالا تبتسم بتعب ايوه
يونس يضحك حاسه ازاى بعد الچريمه دى .. انتى جايبه اربعه تؤام .. هنربيهم ازاى دول
ديالا تضحك مش عارفه .. انت اللى جبتهم انا مالى
يونس بتدبسينى فيهم يعنى
ديالا تضحك وهو كمان ويبوس دماغها
يونس ربنا يخليكوا ليا
وليد فكك ياعم رميو خلينا فى المهم .. هتسميهم ايه !
مراد بسرعه نور .. يبص لنورين ويغمز وهى تبتسم .. ومراد .. وسموا انتو الباقى
مروان وليه ميسموش مروان بقى !
يونس ششششش اسكتوا .. يبص لديالا .. قومى بالسلامه بس ونسميهم على مهلنا
يقعد جنبها ويبتسم وهى كمان وتمسك ايده .. امير شايل بنته وحاطط ايده على وسط مراته وبيدلعها .. ومراد مقرب من نورين وعمال يكلمها بالاشاره وهى بتضحك على شكله ومبسوطه يشاورلها بمعنى عقبالنا تتكسف وتضحك .. مروان قاعد جنب سيلينا ومشبك ايده فى ايدها وبيضحكها .. وكريم ووليد ومنى ومحمد واقفين بيبصوا للولاد وفرحانين بيهم
ديالا عاوزه اشوف الولاد
يونس بس كده انتى تؤمرى
يقوم يجيب الولاد وكريم ووليد يساعدوه ويحطوهم حوالين ديالا ومحمد ياخد كل اللى فى الاوضه يخرجهم بره ويسيبوهم لوحدهم .. يونس يقعد جنب دماغها وهو متابعها بتبص لولادها بفرحه يقرب ويبوسها
ديالا تدمع بفرحه حلوين اوى يا يونس .. انا مش مصدقه انى امهم .. بص صغننين ازاى !
يونس يبتسم حلوين زى امهم
ديالا تضحك بكاش اوى
يونس يبتسم ويبصلها شويه وساكت لدرجه ان ديالا استغربت
ديالا فى ايه !
يونس فاكره زمان لما قولتيلى انك كل حاجه بتخافى منها وقعتى اسيرتها
ديالا ايوه
يونس اهو انا وقعت اسيرك من غير ما اخاڤ .. ينفع كده اجى اوقعك توقعينى انتى
ديالا بضحك عشان متضحكش على بنات الناس تانى يا استاذ
يونس يضحك لا مفيش تانى خلاص .. كفايه واقعه واحده نفختنى ولسه هتنفخنى اكتر بالاربعه دول
ديالا تبص لعيالها حبيتهم اوى
يونس وانا بحبك اوى
تضحك وتحضن عيالها ويونس يحضنهم الخمسه ويحاوطهم بايده الاتنين ويبتسم وديالا تتنهد براحه وهى حاسه بالامان
تمت
