الحلقة 37 مكتوبه علي اسمي بقلم ملك ابراهيم

اتكلمت بنبرة قوية انا مش هتحرك من هنا.. هفضل مع ابني لحد ما يقوم بالسلامة.
ابتسم عزيز بسخافة وقال انا برضه شايف كده.. هحجزلك غرفة جنب ابنك.
امجد كان متغاظ منه لكنه مسيطر علي غضبه وبص ل آيات وسألها مش محتاجة اي حاجة مننا قبل ما نمشي يا آيات
آيات بصت ل امجد وقالت بحزن شكرا ياباشمهندس. 
امجد بص ل عزيز ورجع بص ل آيات وقال بصوت قوي لو احتاجتي اي حاجة في اي وقت انا موجود ومتتردديش لحظة واحدة انك تكلميني.
عزيز اللي رد عليه بسخافه احنا مش عايزني نتعبك يا باشمهندس وبعدين آيات هترجع بلدها عند اهلها لحد ما جوزها يبقى يرجع.
آيات بصتله پصدمة وقالت مين قال اني هرجع البلد عند اهلي!
عزيز ببرود وهتقعدي هنا تعملي ايه!!
آيات پغضب انا قاعدة في بيت جوزي ومش هتحرك منه غير لما جوزي يرجع.
عزيز ببرود ومين قالك انه ممكن يرجع!!
ميسرة اڼهارت في البكاء وآيات قلبها انقبض پخوف علي عامر لما عزيز قال بثقة ان عامر ممكن ميرجعش. 
ردت عليه بقوة وعيونها بتلمع بالدموع هيرجع.. ان شاء الله هيرجع.
عزيز ببرود ولحد ما يرجع بالسلامة تستنيه عند اهلك.
امجد اتعصب واتكلم مع عزيز پغضب هو حضرتك بتتكلم معاها كده بصفتك ايه بالظبط!!
عزيز بصله بثقة وقال ببرود حضرتك إللي بتتكلم معايا بصفتك إيه بالظبط.. علي الاقل انا جوز مامته وانا المسؤول عن كل املاك عامر وفلوسه لحد ما يرجع.
امجد بصله پغضب وآيات قالت بإصرار انا مش هسيب بيت جوزي.
عزيز ابتسم ببرود وقالها وانا هعيش في الفيلا من النهاردة والشركة وكل املاك عامر هتبقى تحت سيطرتي لحد ما يرجع...بقلمي ملك إبراهيم.
... يتبع
تفتكروا آيات هتكون ضعيفة وتسيب عزيز يسيطر على شركة عامر وفلوسه ولا هتقف قصاد عزيز وتحمي املاك جوزها منه! عايزة تفاعل جامد من كل متابعين الرواية عشان في مفاجأت كتير جايه 
الكاتبة ملك إبراهيم