الرجل الغامض
بسيط هيعجبني انت بتحكم بفخامته
اهوه استني
ادهم استني ايه
ليلي نادي النقابة بتاع المهندسين تعال ندخل بالكارنيه بتاعك
ادهم كرنيه ايه
ليلي كرنيه النقابه مش انت مهندس ولا ايه
ادهم اه ماشي نركن بس ____ يالا تعالي
نزلو وماشين وكالعاده كل ما بيحاول يمسك ايدها بتسحبها وتبتسم
دخلو وقعدوا وجالهم الجرسون بيسالهم تشربوا ايه
ادهم فيه موكا
الجرسون افندم
وبيبص ليلي
ليلي ما تبصليش انا معرفش ايه الموكا دي
ادهم اوك خلاص كابتشينو ولا ده كمان مش موجود
الجرسون موجود يا افندم والانسه
ليلي زيه ولا اقولك في عصاير فرش
الجرسون ايوه يا فندم
مشي وهما بيبصوا لبعض والاتنين مستغربين بعض
ليلي تطلع ايه الموكا دي
ادهم نوع من انواع النسكافيه بس احلي شويه منه واقوي
ليلي امممم ماشي
هما الاتنين ساكتين لحد ما جه الجرسون بطلباتهم
ليلي انا بعشق المانجه بكل اشكالها
ادهم بابتسامه وايه كمان
ادهم بتحبي ايه كمان عايز اعرف كل حاجه عنك كل حاجه بتحبيها
ليلي بحب الشوكولاته وخصوصا بنت الابالسه مارس غاليه بس حلوه
ادهم مفيش اي شيئ في الدنيا دي يغلي عليكي فاهمه
ليلي ابتسمت واتكسفت وشغلت نفسها بالعصير
ادهم بيبصلها وسؤال جواه بيلح يخرج بس مش عارف يقوله ازاي هيقوله من غير تزويق احمد ليلي !!
ليلي هاه
ادهم تتجوزيني
يتبع
